Vizitor. Ketu mund te gjesh: Forum | Lajme | Video | Filma | Muzike <> Forum | News | Videos | Movies | Music.
Kreu
Mosformimi i trupit gjykues ka bërë të dështojë seanca gjyqësore ndaj Lavdërim Tufës, ku ishte parashikuar dhënia e vendimit përfundimtar ndaj të pandehurit.
Lavdërim Tufa rigjykohet në Gjykatën e Tiranës për vrasjen e Fatmir Ramës, ose sic njihej ndryshe “Miri i Xhikës”. Në gjykimin e parë Tufa u dënua me burgim të përjetshëm, por ky vendim u rrëzua nga Gjykata e Lartë e cila urdhëroi rigjykimin e cështjes.
Edhe pas rigjykimit, organi i akuzës kërkoi sërish dënimin e Lavdërim Tufës me burgim të përjetshëm.
Shtyhet "Gërdeci"
Sakaq po në Gjykatën e Tiranës ka dështuar seanca e radhës gjyqësore ndaj 29 të pandehurve për tragjedinë e Gërdecit. Shkak i shtyerjes janë bërë mungesat e disa avokatëve mbrojtës.
Ky proces ndodhet në fazën e konkluzioneve përfundimtare të avokatëve mbrojtës, ndërsa deri më tani janë lexuar konkluzionet përfundimtare të avokatit të të pandehurit Sokol Ngjeci.
