Ministri i Punëve Publike dhe Transportit, Sokol Olldashi inspekton punimet e Unazës së Madhe të Tiranës. Olldashi u shpreh mjaft i kënaqur me ecurin e punimeve të kryera dhe deklaroi se ky segment i rëndësishëm për kryeqytetit do të jetë i hapur për trafikun në pranverën e vitit 2012, pra në një kohë më të shpejtë se afatet kontaktuale. “Jemi në pikën lidhëse të dy projekteve që ne kemi në zhvillim e sipër me Drejtorinë e Përgjithëshme të Rrugëve, pra në pikën ku takohet njëri lot i Unazës së Madhe të Tiranës dhe ku fillon autostrada Tiranë–Elbasan”, tha Olldashi për mediat. Sipas tij, projekti parashikohet të mbarojë në fund të vitit 2012, por me ritmet që kemi, jam i bindur që në fundin e pranverës së vitit tjetër, projektet do të jenë të hapura dhe të kalueshme për trafikun transit nga Tirana në drejtim të Elbasanit, si dhe segmenti prej 3.1 km i Unazës së Madhe të Tiranës. Më tëj ministri Olldashi tha se: “shpresoj që me me vënien në funksionim të këtyre dy kontratave, pra të lotit të Unazës së Madhe dhe të lotit të parë të autostradës Tiranë- Elbasan, do ti japim një lehtësim shumë të madh tranzitit të mallrave dhe të njerëzve, një lehtësim që do të përshpejtohet edhe më tej me vazhdimin e loteve të tjera të autostrades Tiranë –Elbasan”. Në të njejtën kohë ministri Olldashi informoj se procedura e tenderit në pjesët e tjera të autostradës është në vazhdim e sipër, ndërkohë që theksoi që ecuria e tunelit të Krabës është shumë e mirë.
ZonaShqiptare.co.nr