SHKODER- Mbetet në kufijtë e misterit vrasja e kambistit Mark Gjoni në qytetin e Shkodrës. Me gjithë hetimet intensive të kryera përgjatë dy ditëve, policia lokale ende nuk ka një pistë zyrtare për ekzekutimin me minë me telekomandë të 60-vjeçarit nga lagjia "Mark Lulaj", baba i tre fëmijëve. Ngjarja e rëndë, e cila tronditi banorët e Shkodrës ndodhi rreth orës 6:45 të së enjtes në lagjen "Vasil Shanto", në vendin e quajtur "Tregu i valutës", ku viktima punonte si kambist. Ndërkohë, burime pranë grupit hetimor sqarojnë se po hetohet në disa për zbardhjen e plotë të rrethanave të ngjarjes. Sipas ekspertëve, kambisti mund të jetë vrarë për shkak të ndonjë borxhi të pashlyer nga persona të tjerë, por nuk përjashtohet mundësia e përfshirjes së tij në ndonjë trafik të paligjshëm.
HETIMI
Pas shpërthimit të tmerrshëm të ndodhur në qendër të qytetit të Shkodrës, është ngritur një grup i posaçëm hetimor ku bëjnë pjesë specialistët më të mirë të Shkodrës dhe të Policisë së Shtetit në Tiranë. Mësohet se gjatë kohës kur 60-vjeçari ndodhej në gjendje të rëndë në spitalin rajonal të Shkodrës, ai ka arritur të flasë për pak minuta me përfaqësues të grupit hetimor. Po të njëjtat burime shprehen se kambisti para se të ndërronte jetë u ka treguar agjentëve të krimeve, se cili ka qenë itinerari i tij që nga momenti i daljes nga shtëpia deri në momentin fatal të shpërthimit të lëndës plasëse. Babai i tre fëmijëve ka deklaruar se ka dalë nga banesa e tij rreth orës 6:00 dhe ka shkuar tek një berber dhe më pas ka pirë një kafe të shpejtë në një lokal afër berberhanes. Pasi ka pirë kafenë Mark Gjoni është nisur me makinën e tij tip "Benz" për tek tregu i valutës. Nga kryerja e veprimeve hetimore paraprake, ekspertët përjashtojnë mundësinë që gjatë këtij itinerari, të jetë montuar lënda plasëse në automjet.
SHOQERIMI
Ndërsa kanë marrë dëshminë e viktimës, pjesëtarët e grupit hetimor kanë bërë shoqërimin e berberit dhe kamarierit, dy personave që i kanë shërbyer kambistit Mark Gjoni pak minuta para vrasjes. Gjatë marrjes në pyetje së berberit dhe kamarierit, hetuesit janë përqendruar më shumë tek gjendja psikologjike e 60-vjeçarit; nëse kanë konstatuar ndonjë sjellje të veçantë të tij dhe nëse kanë vënë re persona të dyshimtë, që mund të kenë mbajtur viktimën nën mbikqyrje. Blutë kanë shoqëruar gjithsej 27 persona në lidhje me shpërthimin, që i mori jetën vëllait të shefit të armatimit në policinë e Shkodrës.
(s.g/GSH/BalkanWeb)
HETIMI
Pas shpërthimit të tmerrshëm të ndodhur në qendër të qytetit të Shkodrës, është ngritur një grup i posaçëm hetimor ku bëjnë pjesë specialistët më të mirë të Shkodrës dhe të Policisë së Shtetit në Tiranë. Mësohet se gjatë kohës kur 60-vjeçari ndodhej në gjendje të rëndë në spitalin rajonal të Shkodrës, ai ka arritur të flasë për pak minuta me përfaqësues të grupit hetimor. Po të njëjtat burime shprehen se kambisti para se të ndërronte jetë u ka treguar agjentëve të krimeve, se cili ka qenë itinerari i tij që nga momenti i daljes nga shtëpia deri në momentin fatal të shpërthimit të lëndës plasëse. Babai i tre fëmijëve ka deklaruar se ka dalë nga banesa e tij rreth orës 6:00 dhe ka shkuar tek një berber dhe më pas ka pirë një kafe të shpejtë në një lokal afër berberhanes. Pasi ka pirë kafenë Mark Gjoni është nisur me makinën e tij tip "Benz" për tek tregu i valutës. Nga kryerja e veprimeve hetimore paraprake, ekspertët përjashtojnë mundësinë që gjatë këtij itinerari, të jetë montuar lënda plasëse në automjet.
SHOQERIMI
Ndërsa kanë marrë dëshminë e viktimës, pjesëtarët e grupit hetimor kanë bërë shoqërimin e berberit dhe kamarierit, dy personave që i kanë shërbyer kambistit Mark Gjoni pak minuta para vrasjes. Gjatë marrjes në pyetje së berberit dhe kamarierit, hetuesit janë përqendruar më shumë tek gjendja psikologjike e 60-vjeçarit; nëse kanë konstatuar ndonjë sjellje të veçantë të tij dhe nëse kanë vënë re persona të dyshimtë, që mund të kenë mbajtur viktimën nën mbikqyrje. Blutë kanë shoqëruar gjithsej 27 persona në lidhje me shpërthimin, që i mori jetën vëllait të shefit të armatimit në policinë e Shkodrës.
(s.g/GSH/BalkanWeb)